Салвини: Не може Франција и Германија сами да ја креираат миграциската политика

Од:

Не може Франција и Германија сами да ја креираат миграциската политика, без да се усогласат со барањата на најзасегнатите земји од миграцијата, како Италија и Малта, напиша италијанскиот министер за внатрешни работи Матео Салвини во писмото до францускиот колега Кристоф Кастанер.

– Доста е веќе со решенија кои се носат само во Париз и Берлин. Италија веќе не сака да ги прифаќа сите мигранти кои пристигнуваат во Европа, напиша денеска Салвини на Фејсбук, како дополнување на испратеното писмо до Кастанер.

Тој смета дека „Франција и Германија не можат да ја креираат миграциската политика без да се усогласат со барањата на земјите, кои се најзасегнати, како Италија и Малта“.

Во писмото Савини тврди дека на средбата во Хелсинки на министрите за внатрешни работи од земјите членки на ЕУ, повеќето министри имале сличен став со Италија околу прашањата за миграциската политика, меѓу кои неопходноста од заштита на надворешните граници на Унијата и на Шенген зоната.

На средбата во Хелсинки, Италија и Малта предложија текст, со кој се предвидува создавање центри за времен престој и идентификување на мигранти во земјите, кои се соседни на оние од каде тие тргнале.

Во Париз утре ќе се одржи нова средба на министрите за внатрешни работи од земјите на ЕУ.

Би можело да ве интересира

Грција се обидува да ги убеди граѓаните дека го решава мигрантското прашање

Е-трговијата во Германија минатата година изнесувала 72,6 милијарди евра

Франција порано од предвиденото ќе затвори уште два реактора

Ана Ололовска

Поради пензиските реформи исклучена струјата на пазарот Рунжи

Ана Ололовска

Евакуација во Келн поради бомба од Втората светска војна

Ана Ололовска

Експертите со 25 препораки за прекин со „манипулацијата со бројките“ за имиграцијата во Франција

Ана Ололовска