САД треба да распоредат повеќе војска во Бугарија и Романија за да запрат руска агресија, вели поранешниот секретар за одбрана

Од:

Поранешниот министер за одбрана на САД, Марк Еспер, изјави дека САД треба да распоредат дополнителна војска долж крајбрежјето на Црното Море во Бугарија и Романија, за запирање на потенцијалната агресија од страна на Русија, во време кога тензиите на релација Москва – Вашингтон се зголемуваат.

–Мислам дека е потребно и натаму да стоиме спроти Русија и да се обидеме да го запреме нејзинoто лошо поведение, изјави синоќа Еспер, кој сега е соработник во Институт за меѓународно лидерство Мекејн во државниот Универзитет на Аризона.

Вашингтон треба да им даде сигурност на европските сојузници и да ја засили врската со НАТО, со распоредување дополнителни сили во Полска, во Балтичките земји, ако има смисла за тоа, и во држави како Бугарија и Романија, можеби не за постојано, но на ротирачка основа, изјави Еспер за некои американски медиуми.

САД вчера објавија засилување на својот контингент во Германија, а во заднинита на новите тензии во односите со Русија поради Украина. Вашингтон со тоа ги откажа плановите на поранешнот претседател Доналд Трамп да повлече околу 12.000 американски војници, од вкупната бројка од 36.000 војници, распоредени во оваа земја.

Би можело да ве интересира

Вашингтон пост: САД ќе донираат милиони вакцини против Ковид-19 од „Фајзер“

А1он

Средба Заев – Ајкхорст: Со Бугарија ќе продолжиме да бараме европско решение што ќе овозможи двојна победа

А1он

Националната гарда ќе и помага на полицијата на протестот во Вашингтон

А1он

Вашингтон подготвен за протести на приврзаници на Трамп

А1он

Бугарската телеграфска агенција предлага балканските агенции да формираат „Балканска соба за вести“

А1он

Путин: Треба да се работи со талибанската Влада на Авганистан

А1он