Марк Мили: Руската воена активност во близина на Украина е причина за „голема загриженост“

Од:

САД следат доволно индикатори околу руската воена активност во близина на Украина кои предизвикуваат „голема загриженост“, а руската реторика се чини сè поостра, изјави американски воен претставник.

Марк Мили, началникот на Здружениот Генералштаб на САД, одби да шпекулира за опциите што САД би можеле да ги разгледаат во случај на руска инвазија. Сепак, во еден од неговите најобемни коментари за кризата, Мили ја истакна важноста на суверенитетот на Украина за Вашингтон и за НАТО.

„Доколку има отворена агресија од руска воена акција во независна нација-држава од 1991 година, интересите на националната безбедност на САД и членките на НАТО се во прашање“, рече Мили за време на летот од Сеул до Вашингтон.

Украина соопшти дека Русија натрупала повеќе од 90.000 војници долж границата. Но, Москва ги отфрли сугестиите дека се подготвува да го нападне јужниот сосед и го брани своето право да распореди трупи на своја територија како што и одговара.

Мили одби јавно да ја објави својата проценка за бројот на руските сили во близина на Украина, но сугерираше дека неговата загриженост оди подалеку од бројот на руски војници.

„Нема да ви кажам што следиме и индикатори или предупредувања од разузнавачка гледна точка, но ги следиме сите“, рече Мили. „И сега ги има доволно за да предизвикаат голема загриженост и ние ќе продолжиме да следиме“.

Би можело да ве интересира

НАТО испраќа се повеќе оружје во Украина

Ана Ололовска

Блинкен: Санкции сега против Русија би ја намалиле можноста за спречување на агресија врз Украина

Ана Ололовска

Марш против мерките за вакцинација во Вашингтон

Ана Ололовска

Русија регистрираше рекордни 63.205 случаи

Ана Ололовска

Папата повикува на „ден за молитва“ за Украина

Ана Ололовска

Кина остро демантира: Тоа е апсолутна лага

Ана Ололовска