САД се заканија со запленување на иранската нафта за Венецуела

Од:

Американското правобранителство поднесе барање за заплена на нафтата што со четири ирански танкери се превезува за Венецуела, во најновиот обид на администрацијата на претседателот Доналд Трамп да изврши економски притисок врз двете непријателски држави.

Претседателот на Венецуела, Николас Мадуро минатиот месец се пофали дека иранската нафта веќе е упатена кон Венецуела, сакајќи со тоа да покаже дека не е загрижен за американскиот притисок.

Недостатокот на нафта во Венецуела, инаку, земја производител и членка на ОПЕК, е акутен поради американските санкции.

Мадуро, меѓутоа, досега ги издржа сите притисоци и се уште е на власт, што е извор на фрустрација за Трамп, пренесуваат британските медиуми од анонимни, но добро информирани извори во Вашингтон.

Иран на почетокот на јуни соопшти дека ќе продолжи да испраќа нафта во Венецуела, доколку Каракас побара повеќе испораки и покрај критиките од САД за трговијата меѓу двете земји, кои се под санкции на САД.

-Иран го остварува своето право на слободна трговија со Венецуела и ние сме подготвени да испратиме повеќе бродови доколку Каракас побара повеќе испораки од нас, рече портпаролот на Министерството за надворешни работи, Абас Мусави.

Би можело да ве интересира

ВИДЕО: Маж спасен во последна секунда, му се заглавила инвалидската количка во пругата додека доаѓал воз

А1он

ОН го поздрави договорот меѓу Израел и ОАЕ, Иран го оквалификува како срамен

А1он

Во САД денеска речиси 1.500 починати и над 56 илјади новозаразени со коронавирус

А1он

Американските здравствени власти предвидуваат „најлоша есен што сме ја виделе“ поради коронавирусот

А1он

Помпео: Русија се обидува да го растури сојузништвото на САД со Европа

А1он

Бајден ја одбра Камала Харис да „трча“ со него како кандидатка за потпретседател на Демократите

А1он