Уште пред епидемијата на ебола да биде ставена под контрола, експерти во САД се обидуваат да предвидат каква ќе биде следната опасност по човековото здравје на глобален план.
Директорот на Центарот за превенција и контрола на зарази Том Фридан рече дека итно треба да се проучат реоните во светот, кои ја кријат опасноста од здравствени катастрофи, за да можат властите да реагираат пред инфекциите да прераснат во кризи.
Во почетокот на месецот Владата на претседателот Барак Обама побара 600 милиони долари, за да ја извршува Програмата за глобална безбедност на здравјето.
Таа предвидува „меѓународна коалиција“ од здравствени експерти да помага во земјите во ризик да ги подобрат мерките за пресретнување зарази, за да спречат епидемии.