САД повикаа земјите да не дозволуваат прелети на руски авиони со дестинација Венецуела

Од:

Портпарол на американскиот Стејт департмент денеска и се заблагодари на Малта затоа што не даде дозвола руски авиони да го користат нејзиното воздушно пространство за прелет во Венецуела.

-Го поздравуваме решението на Владата на Малта да им забрани на руските авиони да го користат нивното воздушно пространство за снабдување на жестокиот поранешен режим на Венецуела, напиша на Твитер Морган Ортагус, портпарол во Стејт департментот.

Таа истакна дека „САД ги повикуваат сите земји да го следат примерот на Малта за запирање на поддршката што Кремљ ја дава на диктаторот Мадуро“.

Дека Малта не дозволува прелет на руски авиони со дестинација Венецуела, претходно потврди и Министерството за надворешни работи на Русија откако Москва на 4 април официјално побарала во амбасадата на Малта дозвола за прелет преку малтешкото воздушно пространство.

Како што е веќе познато, при крајот на март два руски авиони атерираа на аеродромот во Каракас со товар тежок 35 тона и 99 руски војници предводени од началникот на штабот на копнените сили Василиј Тонкошкуров.

Вашингтон и повеќе други западни престолнини изразија загриженост поради присуството на руски војници на територијата на Венецуела.

Би можело да ве интересира

Руски борбен авион достигна височина од 20.000 метри

Ана Ололовска

Трамп ќе го задржи Пенс за свој потпретседател во трката за втор мандат

Ана Ололовска

Иран ги предупреди САД да не се обидуваат повторно да го запленат танкерот

Ана Ололовска

Макрон денеска во летната резиденција во Брегансон на средба со Путин

Ана Ололовска

Фредериксен: Апсурдна е идејата за продажба на Гренланд на САД

Ана Ололовска

Бела куќа: Трамп ја разгледува идејата за купување на Гренланд

Ана Ололовска