САД „остро“ го критикуваат Израел во врска со населувањето на Западниот Брег

Од:

Соединетите Американски Држави првпат остро го критикуваа Израел поради најавата за изградба на повеќе од 1.000 нови станови на окупираниот Западен Брег.

– Ние сме длабоко загрижени за планот на израелската влада. Силно се спротивставуваме на проширувањето на населбата, што е целосно спротивно на напорите за намалување на тензиите и гарантирање на мирот и им штети на изгледите за решение по принципот на две држави, израелската и палестинската, изјави портпаролот на американската дипломатија Нед Прајс.

Израел ќе изгради 1.355 нови станови во седум еврејски населби на окупираниот Западен Брег, соопшти во неделата Министерството за градежништво, а палестинските власти веднаш ја осудија одлуката. Властите треба да предложат и изградба на дополнителни 3.000 станови.

Прајс исто така рече дека секој обид за ретроактивно легализирање на нелегалните населби е неприфатлив, додавајќи дека тие ставови директно им ги пренеле високи американски функционери на израелските колеги.

Тоа е еден од најострите ставови на САД во однос на израелското населување на палестинските територии откако претседателот Џо Бајден влезе во Белата куќа на почетокот на оваа година.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД и Германија ги предупредија Израелците да не ја напаѓаат Рафа

Британците првпат со падобрани испорачаа помош во Газа, испратија порака и до Израел

Катерина Ѓуровски

Израел не дозволува конвои со храна да минуваат до северниот дел на Газа

Катерина Ѓуровски

САД бара од Украина да ги запре нападите врз руските рафинерии