САД: Над 535 обвинети за упадот во Капитол Хил

Од:

Министерството за правда на САД соопшти дека се обвинети над 535 лица, шест месеци по немирите на 6 јануари во американскиот Капитол Хил.

Обвинителството на САД за областа Колумбија во соопштението наведува дека 495 лица се обвинети за влегување или останување во федералната зграда или простории. Речиси 235 лица се обвинети за попречување, влијание или спречување на службеник при постапка или обид за тоа.

Најмалку 165 се обвинети за напад, отпор или попречување на службеници или вработени. ФБИ објави синоќа 11 нови видеа од осомничени за насилни напади врз полицајци за време на немирите во Капитол.

Од Обвителството, исто така, велат дека шест лица се уапсени под обвинение за напад врз припадници на медиуми или уништување на нивна опрема.

Сепак, Обвинителството наведува дека му е потребна помош од јавноста за да идентификува 300 лица за кои се претпоставува дека извршиле насилни дејства во Капитол Хил, вклучувајќи 200 кои нападнале полицајци.

Десет лица досега се изјаснија за виновни за различни обвиненија. Нападот предизвика штета од околу 1,5 милиони долари врз зградата на Капитол.

Би можело да ве интересира

Шаманот од упадот во Капитол осуден на 41 месец затвор

А1он

Стив Бенон обвинет за непочитување на Конгресот

Ана Ололовска

Одредена најголемата казна досега за нападот на Капитол

Катерина Павлова-Николовска

Вашингтон Пост: ФБИ не реагирал на дојавите за насилство во Капитол

САД: Одбор поддржа Бенон да се обвини за непочитување на Конгресот

Ана Ололовска

Бенон нема правна основа да одбие да сведочи

Ана Ололовска