Администрацијата на американскиот претседател Барак Обама испрати 130 лица дополнителен воен персонал во Ирак, соопшти американскиот секретар за одбрана Чак Хејгел.
Хејгел во обраќање пред припадници на Вооружените сили на САД во Калифорнија, изјави дека војниците вчера пристигнале во област во близина на Ербил, главниот град на ирачки Курдистан.
Американското Министерство за одбрана објави и соопштение во кое се наведува дека војниците распоредени во северен Ирак ќе извршат проценка на обемот на хуманитарната мисија и ќе ја зголемат дополнителната хуманитарна помош за ирачките цивили што се под опсада на Исламската држава во Синџар.