Советникот на американскиот претседател Барак Обама за национална безбедност Том Донилон го информирал израелскиот премиер Бенјамин Нетанјаху за можен план за напад врз Иран.
Донилон вели дека тоа ќе се случи во случај да не вроди со плод дипломатијата чија цел е запирање на развојот на нуклеарната програма на земјата, пишува денеска израелскиот весник „Хаарец“. Планот е обелоденет овој месец за време на посетата на Донилон на Израел, наведува весникот.
Висок израелски претставник демантираше дека советникот на американскиот претседател Барак Обама, Донилон, го информирал премиерот Бенјамин Нетанјаху за резервен план на напад врз Иран.
Спорната вест ја објави израелскиот весник „Хаарец“, наведувајќи дека планот е обелоденет овој месец за време на посетата на Донилон на Израел.
– Ништо во написот не е точно. Донилон не се сретна со Нетанјаху на вечера, не се сретна со него во четири очи, ниту му претстави оперативни планови да се нападне Иран, рече неименуван висок претставник.