Американското обвинителство поднесе пријава против поранешниот работник на Националната безбедносна агенција (НСА), Едвард Сноуден поради шпиунажа и објавување тајни документи.
Федералното обвинителство на САД бара од властите во Хонг Конг да го притворат Сноуден, кој што е обвинет за кражба, недозволено користење на информаци поврзани со националната безбедност и самоволно давање доверливи информации на неовластени лица.
Се ова се однесува на обелоденувањето дека НСА ја следи целосната интернет комуникација на граѓаните на САД со другите држави.
Информацијата за тужба ја објави „Вашингтон пост“ повикувајќи се на обвинителството во Вирџинија, додека портпаролот на Министерството за правда одби да потврди.
Сноуден на 9-ти јуни јавно рече дека тој на медиумите им ги доставил податоците за работата на НСА, додавајќи дека тој се наоѓа во Хонг Конг.
Неговото сегашно претстојувалиште не е познато, иако американските медиуми шпекулираат дека се уште се наоѓа на кинеска територија.
САД и Хонг Конг имаат договор за екстрадиција кој стапи на сила во 1998 година.
Елена Георгиевска