САД ги поздравија последните британски напори за борба против светската корупција

Од:

САД ја поздравија Велика Британија за воведување на програмата Глобален режим за санкции против корупцијата, напоменувајќи дека „тоа го засилува партнерството меѓу двете земји во борбата против корупцијата и незаконските финансиски трансакции“, соопштија денеска од американскиот Стејт департмент.

-Корупцијата го поткопува владењето на правото, ја ослабува довербата на граѓаните во нивните власти, го отежнува економскиот развој и го потпомага меѓународниот криминал и прекршителите на човекови права, истакна државниот секретар Ентони Блинкен.

Глобалениот режим за санкции против корупцијата ги засилува напорите на Велика Британија во справување со корупцијата на глобално ниво и се адаптира на тековните американски иницијативи за подобрување на способноста за соработка и координација на слични санкциски програми во однос на човековите права и корупцијата како Глобалниот акт Магнитски, се наведува во соопштението.

-Заедно со Британците и со другите сојузници и партнери, ќе бараме да ги промовираме наште заеднички вредности и слични инструменти. Корумпираните актери и нивните помагачи нема да имаат пристап до нашите финансиски системи, изјави Блинкен.

САД се надеваат на продолжување на партнерството со сите влади и граѓански општества кои го мислат истото – заштита на човековите права, борба со корупцијата и промоција на одговорно и добро владеење, се вели во соопштението.

Би можело да ве интересира

Песков: Нема нови информации за средба Путин – Бајден

Ана Ололовска

Блинкен: Ќе одговориме на агресивните постапки на Русија и на обидите на кинеското загрозување на светскиот поредок

Ана Ололовска

Стапката на наталитет во САД падна за четири отсто на најниската точка досега

Ана Ололовска

САД поддржува укинување на патентите за интелектуална сопственост за вакцините против Ковид

Ана Ололовска

Во Америка лани се родиле најмалку деца во последните 40 години

Жарко Настоски

Почина пејачот и манекен Ник Кејмен, славен во 80-тите

Жарко Настоски