Монсеф Слауи, главниот човек во тимот на американскиот претседател Доналд Трамп, за брзото производство на вакцината против коронавирус, рече дека првите Американци би можеле да почнат да ја примаат вакцината во првата половина на декември.
Слауи рече дека тоа значи дека вакцината, доколку биде одобрена, може да почне да се користи веќе следниот ден. Одборот на Агенцијата за храна и лекови кој треба да дозволи употреба на вакацината ќе има состанок на 10.декември.
– Нашиот план е да можеме да ги доставиме вакцините на местата за имунизација во рок од 24 часа по одобрувањето, па претпоставувам дека тоа би можело да биде вториот ден по одобрувањето на 11. или 12 декември, рече тој за Си-Ен-Ен.
Експертите велат дека на почетокот нема да има доволно вакцина за сите. Групи со највисок приоритет ќе бидат здравствени работници, старите лица и лица со други болести. Според најавите, вакцинацијата на децата би почнала во текот на следната година.