Саакашвили ќе биде прегледан од психијатар, вели член на лекарската комисија на грузискиот Народен правобранител

Од:

Тбилиси, 11 декември 2021 (МИА) – Поранешниот грузиски претседател Михаил Саакашвили, кој штрајкуваше со глад в затвор повеќе од седум недели, ќе биде прегледан од психијатар, изјави за новинарите член на лекарската комисија на грузискиот Народен правобранител.

– Се појавија информации дека состојбата на Саакашвили се влошува. Тој не може да стои и тешко зборува. Имаме информации дека му се даваат големи дози психоактивни лекови. Затоа беше неопходно да се одржи конференција за овој случај и да се посети поранешниот претседател во болницата Гори, изјави докторот Григол Григолија.

По посетата на Саакашвили, тој истакна дека е неопходно да се утврди какви лекови земал поранешниот претседател и дека Народниот правобранител Нино Ломјарија додала психијатар во лекарската комисија за да изврши конкретни тестови, додека роднините и пријателите на Саакашвили повториле дека тој е во депресија.

Саакашвили, кој беше претседател на Грузија од 2004 до 2013 година, се врати во земјата на 1 октомври по осум години егзил, со намера да ја собере опозицијата пред локалните избори, при што беше уапсен.

Му се заканува затворска казна до шест години, бидејќи во 2018 година беше осуден во отсуство за злоупотреба на службената положба за време на неговиот претседателски мандат од 2004 до 2013 година.

Поранешниот претседател издржува затворска казна во градот Рустави, каде штрајкуваше со глад бидејќи се смета себеси за политички затвореник.

Би можело да ве интересира

Романија, Азербејџан, Грузија и Унгарија потпишаа договор за подводен кабел за пренос на зелена енергија преку Црното Море

Ана Ололовска

Со чартер лет од Атина доброволно во Грузија се вратија 155 грузиски државјани

А1он

Поранешниот грузиски претседател Саакашвили бил затруен во затвор и е во тешка здравствена состојба

А1он

Пребеганите Руси и носат економски бум на Грузија

Во Грузија протест против напливот на Руси кои се обидуваат да избегнат мобилизација

Катерина Павлова-Николовска

Редици Руси чекаат за влез во Грузија, опозицијата побара воведување визи и затворање на границите

А1он