Руско-американска заедничка мисија на Венера во 2027 година

Од:

Заедничката меѓупланетарна мисија на Венера, на САД и Русија може да започне најрано 2027 година, дури и ако проектот наскоро почне да се финансира, изјави раководителката на истражувачкиот тим во рускиот Институт за вселенски истражувања Људмила Засова.

Мисијата предвидува испраќање на руски орбитален објект и уреди за слетување, како и мали научни станици изработени во САД. Товарот ќе биде сместен на ракетниот носач „Ангара А5″ кој ќе полета од космодромот Восточни во Русија.

– Потребно е да се испорачаат 6,5 до седум тони товар на Венера, а сè ќе зависи од интервалот на лансирањата, додаде Засова.

Не е исклучено и испраќање примитивни бактерии на нашиот најблизок сосед-планета. Температурата и притисокот во долниот слој облаци на Венера се малку поинакви од условите на површината на Земјата. Облачниот слој на планетата е на височина меѓу 50 и 70 километри и се состои од капки сулфурна киселина со удел на вода меѓу 15 и 25 отсто.

Претходно, научниците открија дека во таа област постои т.н. „непознат апсорбер на ултравиолетово зрачење“, одговорен за впивање на половина од сончевата енергија што доаѓа до Венера.

Радио-станиците на Земјата и местата на слетување на Венера ќе бидат поврзани со орбитален авион кој ќе биде лансиран на планетата во рамките на подготовките за мисијата „Венера Д“.

Би можело да ве интересира

Откриена нова комета која се движи кон Марс

Татјана Ташкова

ЕСА: Астероид в сабота ќе помине покрај Земјата

Ана Ололовска

Првпат пронајдена вода на потенцијално населива планета

Ана Ололовска

„Јуту-2“ забележа необична материја на темната страна на Месечината

Ана Ололовска

Првата жена ќе отпатува на Месечината до 2024 година

Ана Ололовска

Сојуз со Федор пристигна на Меѓународната вселенска станица

Ана Ололовска