Русите доцна денеска извршија напад врз областа Одеса. Шефот на воената управа на областа Одеса, Јуриј Крук, изјави дека има повредени во ракетниот напад, пренесува Си-Ен-Ен.
„Непријателот изврши ракетен напад врз областа Одеса. Непријателските ловци СУ-35 лансираа проектили од морето. Некои проектили беа пресретнати благодарение на нашата противвоздушна одбрана. Сепак, имаше удар што резултираше со делумно оштетување на цивилна зграда Има повредени. Никој не е загинат“, рече Крук.
Објавите на социјалните мрежи укажуваат дека проектилите биле насочени кон аеродром во регионот.