Официјална Москва тврди дека руски ловци идентификувале воздушна цел како американски авион Боинг П-8 Посејдон и го пресретнале над Црното Море.
Руски ловци Су-30 синоќа пресретнале патролен авион на американската воена морнарица Боинг П-8 Посејдон над Црното Море, потврди денеска рускиот Центар за контрола на националната одбрана.
– Радарските станици открија воздушна цел што се приближува до руската државна граница, а ловците Су-30 на поморската авијација и воздушно-одбранбените сили за брзи реакции на Црноморската флота брзо ја идентификуваа целта, соопшти центарот.
Според армијата, екипажите на руските ловци ја идентификувале воздушната цел како Боинг П-8 Посејдон и го пресретнале над Црното Море, а на авионот, кој е дел од американските сили, не му било дозволено да ја наруши руската државна граница.