Руски истражувачки центар: Откриени повеќе од 80 мутации на новиот коронавирус

Од:

Рускиот државен истражувачки центар за вирoлогија и биотехнологија „Вектор“ откри повеќе од 80 мутации на коронавирусот, изјави денеска генералниот директор на институцијата, Ринат Маскјутов.

Тој истакна дека овие мутации не влијаат на ефикасноста на развиената вакцина, пренесува ТАСС.

– Центарот Вектор дополнително спроведува обемни студии за генетската варијабилност на новиот коронавирус во сите руски региони, рече тој на 17-от годишен состанок на Меѓународниот клуб за дискусии Валдаи.

Тој додаде дека досега се откриени повеќе од 80 замени на нуклеотиди, кои не се вклучени во меѓународните бази на податоци.

– Но, овие промени не се критични и не влијаат на ефекасноста на пептидите на развиената вакцина, рече директорот на центарот при Федералната служба за надзор и заштита на правата на потрошувачите и благосостојбата на луѓето.

Русија на 11 август објави дека ја регистрирала вакцината против коронавирус Спутник V што ја разви Центарот за истражување Гамалеја при Министерството за здравство и дека клиничките испитувања биле успешно завршени во јуни и јули.

Би можело да ве интересира

Албанија: Најмногу починати од Ковид-19 досега, речиси 800 новозаразени

Жарко Настоски

Во Грција регистрирани 1.388 нови случаи, починаа 84 лица од Ковид-19

Жарко Настоски

Британија од следниот месец ќе дозволи ограничен број гледачи на спортските терени

Жарко Настоски

Словенците во пандемијата почнале да пијат повеќе антидепресиви

Жарко Настоски

Рекорден број смртни случаи од Ковид-19 во Србија, над 5.000 новозаразени во последниот ден

Жарко Настоски

ЕК обезбедува 200 роботи за дезинфекција на европските болници

Жарко Настоски