Ситуацијата со пандемијата на вирусот Ковид-19 личи на проба за биoлошка војна, изјави рускиот детски хирург Леонид Рошаљ, пренесува Спутник.
„Кога ја анализирам моменталната ситуација, сфаќам дека ова е проба за билошка војна. Не велам дека овој вирус е направен од човек, нема доволно основа за такво тврдење, а и јас не сум виролог. Но, ова е тест за здравствениот систем и биолошката заштита на земјата“, вели Рошаљ во интервју за „Форбс“.
Тој укажува на тоа дека вирусот не познава граници и дека е невозможно да се предвиди ширењето на епидемијата, бидејќи луѓето од различни земји различно се однесуваат, и покрај сите ограничувања.
Според него, во Русија во борбата против коронавирусот се вклучиле сите, па и претседателот и владата.
Рускиот хирург смета дека ниската стапка на смртност во земјата е поврзана со навременото воведување на ограничувања при влез во земјата и мерката на внатрешна контрола.
Рошаљ препорачува дека е неопходно да се продолжи со носење на маски и ракавици, и дека не треба да се праќаат настинати деца во градинка, да се почитуваат санитарните мерки во претпријатијата, да биде забрането работниците кои не се чувствуваат добро да одат на работа и да се спроведуваат тестирања.
„Коронавирусот ја тестира издржливоста на човештвото и тоа како би поднеле сериозна биолошка катастрофа“, заклучува хирургот.