Јан Гагин, помошник на вршителот на должноста шеф на Доњецката Народна Република (ДПР), изјави дека руските сили го опколиле Бахмут. Тој тврди дека во моментов се води борба за контрола на автопатот кој води западно од Бахмут до Часив Јар.
Неговите коментари доаѓаат откако портпаролот на украинската војска вчера изјави дека тие ги одбиле руските обиди да ја прекинaт линијата за снабдување.
„Бахмут е оперативно опколен, нашите сили го затвораат обрачот околу градот. Борбата за контрола над автопатот Часив Јар-Бахмут е во тек“, рече Гагин на руската државна телевизија.
Бахмут беше изложен на жестоки напади на руската артилерија и пешадија во последните месеци.