Руска подморница не успеа да истрела интерконтинентална ракета, Путин ја следеше воената вежба

Од:

Руска нуклеарна подморница на воена вежба што се одржа минатата недела, а која ја следеше и претседателот Владимир Путин, се откажа од тестирање на интерконтинентална балистичка ракета, соопшти денеска руското Министерство за одбрана.

Нуклеарната подморница „К-44 Рјазан“, дел од руската пацифичка флота, пред четири дена требаше да лансира две ракети „Р-29Р“ во Охотско море, а успешно била лансирана само една, додека втората остана во цевката за лансирање на подморницата, пренесе весникот „Ведомости“.

Инцидентот се случи истиот ден кога Путин ја следеше вежбата од Командниот центар во Министерството за одбрана во Москва.

Акцијата во Охотско море беше дел од пошироките воени вежби на вооружените сили- „Гром 2019“, чија цел е тестирање на подготвеноста на силите за нуклеарен судир.

Министерството за одбрана денеска го потврди инцидентот со балистичката ракета, но го отфрли тврдењето на весникот дека неуспешното лансирање на втората ракета предизвикало „итна ситуација“, пренесуваат руските медиуми.

Во воените вежби на рускиот Далечен исток и Далечен север од 15 до 17 октомври учествуваа повеќе од 12 илјади војници, повеќе од 100 летала и пет подморници, соопшти министерството.

Вежбата се одвиваше на подрачјата на Баренцово, Балтичко, Црно и Охотско море, како и на Каспиското езеро.

Би можело да ве интересира

Русија забрани увоз на гориво на четири месеци

А1он

Захарова: САД намерно го уриваат системот на стратешка стабилност

Тројца загинати во пожар во руска болница

А1он

Русија потврди дека ќе го применува Договорот за отворено небо

А1он

Руски истражувачи успешно на себе тестирале вакцина против коронавирус

А1он

Најмногу смртни случаи во Русија во едно деноноќие

Ана Ололовска