Русите открија новa опаснa варијанта на коронавирусот, можно е да е отпорна на вакцините

Од:

Руската Федерална агенција за биомедицина (ФМБА) соопшти дека открила нова варијанта на коронавирусот, која е способна да ја намали ефикасноста на лекувањето и превентивните лекови, вклучувајќи ги и вакцините, соопшти денеска агенцијата.

„Руски научници од ФМБА открија нови варијанти на SARS-CoV-2 вирусот. Мутациите се откриени примарно во S-протеинот и во доменот на врзување за човечките рецептори. Може да ги промени биолошките својства на вирусот и клиничките знаци на инфекцијата, а може да ја намали и ефикасноста на лекувањето и постојните вакцини, кои се тестирани на претходните видови на Ковид-19“, наведува ФМБА.

Не е соопштено како ќе се нарекува новооткриената варијанта на коронавирусот, која е забележена и изолирана во делови од Сибир, според руските научници.

Во Русија во изминатите 24 часа се регистрирани 17.262 нови случаи на Ковид-19. Градоначалникот на Москва, Сергеј Собјанин, вчера изјави дека се сомнева оти наглиот скок на бројот на новозаразени во градот се должи на циркулацијата на нова мутација на вирусот.

Би можело да ве интересира

Тајланд ќе мижи пред стварноста, владата забрани вести што кажуваат колку лошо се справува со пандемијата

Жарко Настоски

Њујорчани од денеска добиваат по сто долари ако се вакцинираат

Жарко Настоски

Вакцинирани се над половина од планираните 2,2 милиони граѓани во Албанија

Жарко Настоски

Во Чешка дополнителни два дена годишен одмор за државните службеници кои ќе се вакцинираат против Ковид-19

Ана Ололовска

Бајден наложи строги правила за вакцинација за федералните службеници

Ана Ололовска

Масовно посетен фестивалот Лолапалуза во Чикаго, експертите загрижени поради ширењето на вирусот

Ана Ололовска