Украина објави дека Русија извршила нови ракетни напади, па во многу делови од земјата се огласиле сирени. Аларми се слушнале во Киев и поголемиот дел од Украина.
„Ракети се лансирани“, изјави портпаролот на украинските воздухопловни сили, Јуриј Ихнат, и заедно со началникот на кабинетот на претседателската канцеларија, Андриј Јермак, ги предупредија луѓето да „не го игнорираат предупредувачкиот сигнал“.
Засега нема информации за жртви или материјална штета. Во последните неколку недели енергетската инфраструктура беше нападната од руските сили, а жителите често остануваа без струја и греење.