Русите истрелаа повеќе од 30 проектили врз Украина

Од:

Руска ракета утрово погоди нестанбена зграда во областа Холосиев во Киев при што загина најмалку едно лице, а уште две се повредени, јави Киев Пост повикувајќи се на градоначалникот на Киев.

Украинската воздушна одбрана утрово пресретнува руски напади откако московските сили истрелаа повеќе од 30 проектили врз Украина, соопшти украинското воздухопловство.

Портпаролот на воздухопловните сили Јуриј Ихнат на украинската телевизија изјави дека околу шест руски авиони Ту-95 „полетале од рускиот регион Мурманск и лансирале проектили“.

– Очекуваме повеќе од 30 проектили, кои веќе почнаа да се појавуваат во различни региони, рече Ихнат, додавајќи дека украинската воздушна одбрана работи на пресретнување на нападите.

Некои проектили го погодија западно-централниот украински регион Винитсија, соопшти гувернерот Серхиј Борзов на Телеграм, но нема информации за жртви.

Шефот на градската воена управа на Киев, Серхиј Попко, исто така на Телеграм соопшти дека повеќе од 15 крстосувачки ракети биле лансирани „во правец на Киев“ и сите биле соборени.

Во цела Украина во сила е тревога за воздушен напад.

Извор: МИА

Би можело да ве интересира

МААЕ: Во близина на Запорожје има се повеќе конфликти, се зголемува ризикот од нуклеарна несреќа

Ана Ололовска

Европски шампион загина во Украина: Од боксерскиот ринг отиде во првата линија, загина по тешки борби!

Ана Ололовска

(ВИДЕО) Русија: Во Украина првпат срушивме американска паметна бомба

Ана Ололовска

Македонија не може да биде неутрална кога Русија го загрозува светскиот мир, вели Османи

Катерина Павлова-Николовска

ВИДЕО: Украина ги доби британските тенкови „Челинџер“

Катерина Павлова-Николовска

Русите наводно го смениле командантот кој беше тешко поразен во голема тенковска битка