„Руските сили спречија неколку обиди на украинските војници да го вратат Змискиот остров во Црното Море во последните два дена“, соопшти руското Министерство за одбрана.
Портпаролот на Министерството Игор Конашенков изјави дека Украина направила „неколку очајни обиди“ да изврши воздушни и поморски напади на островот.
Руското Министерство соопшти дека Русија соборила четири украински воени авиони, три Су-24 и еден Су-27, три хеликоптери Ми-8 со падобранци и еден хеликоптер Ми-24 и дека извршила напади врз поморски бродови.
„Телата на 24 загинати украински војници беа оставени на брегот на Змискиот остров“, напиша Конашенков на Телеграм.