Руското Министерство за одбрана ги обвини украинските сили за напад врз болница во областа Луганск, во кој загинаа 14 лица, а 24 беа ранети.
Во саботата наутро во градот Новоаидар, „украинските вооружени сили намерно ја нападнаа зградата на окружната болница“ со ракетниот систем ХИМАРС од американско производство, се вели во соопштението на Министерството.
Министерството додаде дека меѓу „болничките пациенти и медицинскиот персонал“ загинале 14, а ранети се 24, пренесува AFP.
„Намерниот ракетен напад врз добро позната активна цивилна медицинска установа без сомнение е сериозно воено злосторство од страна на режимот во Киев“, додаде Министерството.