Руските сили ноќеска го нападнаа Киев со беспилотни летала од различни правци, а противвоздушната одбрана го одби нападот, кој помина без жртви, изјави шефот на градската воена управа Сергеј Попко.
„Седми воздушен напад на руските окупатори на Киев во септември. Непријателот повторно употреби нападни беспилотни летала, првично од типот „Шахед“… Во Киев тревогата за воздушен напад на главниот град беше објавена три пати и траеше околу два часа“, напиша тој на Телеграм.
Според него, руските сили ги лансирале првите групи дронови пред полноќ, но во текот на ноќта се повеќе беспилотни летала биле лансирани во украинскиот воздушен простор.