Нова закана од Русија за Литванија: Провокациите ќе доведат до соодветна реакција

Од:

Русија испрати нова закана до Литванија преку портпаролката на Министерството за надворешни работи на Русија, Марија Захарова, откако балтичката земја деновиве го забрани преминувањето на стоки што се под санкции од ЕУ кон руската енклава Калининград, што ја налути Москва.

dobivaj vesti na viber

-Се надевам дека претставниците на Литванија имаат остатоци од некаков професионализам во проценката на ситуацијата. Тие мора да ги разберат последиците, а последиците, за жал, ќе дојдат, рече Захарова во емисијата „Соловиев во живо“, пренесоа руските медиуми.

Захарова однесувањето на Вилнус го оцени за „агресивно непријателско“. Според неа, Литванија отиде „дури и надвор од границите на однесување, што е спротивно на меѓународното право“.

-Ми се чини дека треба да ја разберат главната работа: кога Русија вели дека нечие однесување е отворено непријателско, тогаш нема време за разговор, нема време да се најдат формули кои би можеле да ја решат ситуацијата или да ја тргнат настрана и да се преправаат дека не се проблеми, додаде Захарова.

Таа нагласи дека „провокациите на Литванија ќе доведат до соодветна реакција од Москва“.

Би можело да ве интересира

Бугарија ќе и достави мало и лесно оружје на Украина

Марат Габидулин беше „десна рака“ на шефот Вагнер, сега вели: Знам што сака, тој е опасен за целиот свет

Горан Наумовски

Чавушоглу верува дека до пролет во Украина ќе има примирје или преговори

Русија најави евакуација од источниот брег на Днепар

Русија „огорчена“ од поддршката на Франција за формирање Суд за воени злосторства во Украина

Инспектори на ОН истражуваат дали руските напади врз инфраструктурата се воени злосторства