Русија не е во состојба да ја потврди смртта на водачот на Исламска држава Абу Бакр ал-Багдади, изјави директорот на руското разузнавање за надворешни работи Сергеј Наришкин.
„Ние немаме информации или генетски примероци за да го докажеме тоа официјално“, рече Наришкин.
На 27 октомври американскиот претседател Доналд Трамп изјави дека Ал-Багдади е убиен за време на специјалната операција во Сирија.
Тој им се заблагодари на Русија, Ирак, Сирија и на Турција за помошта при акцијата.
Во меѓувреме, руското МНР соопшти дека нема информации за смртта на Ал-Багдади.