Русија му испрати на Либан сателитски снимки од пристаништето Бејрут пред и по експлозијата

Од:

Русија му испрати на Либан сателитски снимки од пристаништето Бејрут пред и по големата експлозија што се случи минатата година, изјави рускиот министер за надворешни работи Сергеј Лавров по разговорите со неговиот либански колега денеска во Москва.

Руската вселенска агенција Роскосмос минатата недела соопшти дека се согласила да ги обезбеди снимките откако тоа го побарал либанскиот претседател Мишел Аун.

– На барање на либанската Влада, денеска ги предадовме материјалите подготвени од Роскосмос … сателитски снимки и се надеваме дека тие ќе помогнат да се испита причината за овој инцидент. Ова прашање сега привлекува доста сериозно внимание во Либан и се надеваме може да се реши, изјави Лавров.

Во експлозијата, една од најголемите ненуклеарни експлозии во светот, загинаа повеќе од 215 луѓе, илјадници беа повредени и уништи голем дел од Бејрут. Тоа се случи на 4 август 2020 година. Истрагата сè уште е во тек.

Лавров рече дека разговарал и со либанскиот колега Абдала Бу Хабиб за можно учество на руски компании во обновата на инфраструктурата уништена во експлозијата.

Би можело да ве интересира

Русија може да ја нападне Украина во секој момент, изјави портпаролката на Белата куќа

А1он

Бербок: Германија е подготвена да разговара за заедничките безбедносни прашања со Русија

А1он

Во Русија изолацијата на заразено лице намалена на седум дена

А1он

Столтенберг повторно ги покани Русија и сојузниците од НАТО на нови разговори

А1он

Русија усвои закон за доживотен затвор за педофили

А1он

Директор на Гамалеја: Вакцината Спутник во комбинација со Спутник лајт штити речиси 100 отсто од омикрон сојот

А1он