Русија: Макрон е дволичен

Од:

Москва го прекори Емануел Макрон затоа што изјави дека сака да ја види Русија поразена, велејќи дека Москва сè уште се сеќава на судбината на Наполеон Бонапарта и го обвини францускиот претседател за дволична дипломатија со Кремљ, со чие раководство повеќе пати бараше средба. Макрон за весникот Le Journal du Dimanche изјави дека Франција сака пораз на Русија во Украина, но дека никогаш не сакала да ја скрши.

„Што се однесува до „никогаш“ – Франција не започна со Макрон, а посмртните останки на Наполеон, почитувани на државно ниво, почиваат во центарот на Париз. Франција и Русија треба да се разбираат“, изјави портпаролката на руското Министерство за надворешни работи, Марија Захарова.

„Претежно, Макрон е смешен“, рече таа, додавајќи дека неговите изјави покажуваат дека Западот разговарал за промена на режимот во Русија, додека самиот Макрон постојано барал средби со руското раководство. Макрон наиде на критики од некои сојузници во НАТО за двосмислените пораки во врска со неговата политика кон војната меѓу Украина и Русија, а некои го гледаат Париз како слабата алка во северноатлантската алијанса.

Макрон ги повика сојузниците да ја засилат воената поддршка за Украина, но исто така рече дека не верува во промена на рускиот режим, туку дека во одреден момент ќе мора да има преговори.

Би можело да ве интересира

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Блумберг: Макрон е силен на зборови, но не издвојува пари за Украина

Горан Наумовски

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни

Терористите на ИСИЛ влегуваат во Европа преправајќи се дека се Украинци