Русија испрати предупредување до САД

Од:

Русија се обидува да ги натера САД да разберат дека зголеменото учество на Вашингтон во војната во Украина носи зголемени ризици, изјави во вторникот рускиот заменик-министер за надворешни работи Сергеј Рјабков, пренесоа руските новински агенции.

Москва постојано се жалеше дека западната воена поддршка за Украина го продолжува конфликтот, додека постои и ризик од директен конфликт меѓу Русија и Западот.

„Испраќаме сигнали до Американците дека нивната линија на ескалација и сè подлабоко вклучување во овој конфликт е полна со страшни последици. Ризиците растат“, рече Рјабков, пренесува руската агенција Интерфакс.

Киев и Западот велат дека Русија е одговорна за каква било понатамошна ескалација откако таа неиспровоцирано ја нападна Украина на 24 февруари, окупираше дополнителни делови од украинската територија и се закани дека ќе користи нуклеарно оружје.

Рјабков рече дека нема дијалог меѓу Вашингтон и Москва, но дека „периодично се разменуваат сигнали“.

Тој не знае за контакти преку „жешката линија“ меѓу руската и американската војска воспоставена на почетокот на руската инвазија на Украина.

Американски функционер претходно во вторникот изјави за Ројтерс дека специјалната линија за комуникација меѓу руската и американската војска била користена еднаш од почетокот на војната.

„Не водиме никаков дијалог со САД за прашањето за Украина бидејќи нашите позиции се радикално различни“, рече Рјабков.

Би можело да ве интересира

Пекинг за соборување на балонот: Побаравме од САД да го решат мирно, тие инсистираа на сила

Катерина Павлова-Николовска

ВИДЕО: Американците го срушија кинескиот балон, објавена снимка

Мекгрегор: Русија нема да престане до целосен пораз на Украина

Предраг Петровиќ

ВИДЕО: ФБИ ја истражува смртта на млада американска политичарка

Во Њу Хемпшир во САД измерени рекордни минус 77 степени Целзиусови

Имотот на украинските олигарси на Крим вреди милијарди