Денеска Русија повторно ги нападна Киев и другите украински градови со беспилотни летала, поради што претседателот Володимир Зеленски побара повеќе противвоздушна одбрана и ракети со долг дострел.
Украинската противвоздушна одбрана собори 72 од 76 беспилотни летала Шахед во 12 региони во центарот, југот и истокот на земјата, соопшти воздухопловството.
„Потребни ни се повеќе способности за зајакнување на воздушниот штит, повеќе воздушна одбрана и ракети со долг дострел за да продолжиме да ги штитиме животите и нашиот народ“, објави Зеленски, кој треба да отпатува во САД на крајот на овој месец.
Нема извештаи за жртви, но властите соопштија дека зградите во неколку делови на земјата се оштетени.
Градските власти на Киев соопштија дека остатоци од дрон паднале врз зграда во градската област Оболон северно од центарот, но не избувнал пожар.
Гувернерот на регионот кој го опкружува Киев рече дека остатоците од дронот оштетиле неколку приватни домови и една деловна зграда и скршиле прозорци на една висококатница.
Во јужниот регион на Одеса, шут оштети неколку деловни згради и приватни куќи и предизвика неколку пожари.