Русија: Ако не се вразуми, ќе биде болно за Литванија

Од:

Литванија ќе се соочи со исклучително остар одговор од Москва, доколку не се нормализира транзитот на стока во Калининградската област, изјави Марија Захарова.

dobivaj vesti na viber

Портпаролката на руското Министерство за надворешни работи на денешната прес-конференција изјави дека Русија внимателно ја следи ситуацијата.

„Потврдуваме дека Русија подготвува одмазднички мерки кои ќе бидат болни за Литванија“, рече таа.

Тие мерки ќе бидат преземени, како што објасни таа, доколку не се нормализира состојбата околу транзитот кон Калининград.

„Се надеваме дека нашите таканаречени партнери на крајот ќе покажат здрав разум“, нагласи Захарова, пренесува Тасс.

Таа се осврна и на забелешката на литванскиот министер за надворешни работи Габриелиус Ландсбергис дека Русија не треба да извојува дипломатска победа по прашањето за санкциите.

„Бидејќи зборувате за победи, почитувани политичари во Брисел и Литванија, тогаш да дадете изјава дека сте ја започнале војната. Или погрешно ве разбравме“, рече Захарова.

На 18 јуни годинава Литванија ги известила властите на Калининград за забраната за железнички транзит на санкционирана стока до таа руска енклава, а на 21 јуни е забранета и забраната е проширена и на транзитот на камиони.

Руското Министерство за надворешни работи и Кремљ претходно соопштија дека активностите на Литванија се спротивни на меѓународните договори, а регионалниот гувернер Антон Алиханов на 24 јуни изјави дека, според некои извештаи, Европската унија е подготвена да направи одредени отстапки во однос на транзитот на стоки.

Меѓутоа, претседателот на Литванија, Гитанас Науседа, подоцна изјавил дека неговата земја не е подготвена да прави отстапки по тоа прашање, наведува руската агенција.

Би можело да ве интересира

Русија: Успешно тестиравме нова ракета за противракетна одбрана

Ана Ололовска

Патријархот Кирил: Донбас е првата линија на одбрана на рускиот свет

Ана Ололовска

Откриени документи со наводен план за инвазија: Путин сакал да ја освои Украина за 10 дена

Ана Ололовска

Песков: ОБСЕ ја губи ефикасноста поради односите со Русија

Ана Ололовска

ЕУ постигна начелен договор – руската нафта по 60 долари за барел

Ана Ололовска

САД размислуваат да ја прогласат групата Вагнер за терористичка организација

Ана Ололовска