РТ: Рудното богатство на Северна Кореја вреди 10 трилиони долари

Од:

Северна Кореја лежи на резерви од над 200 минерални руди, чија вредност е проценета на повеќе од 10 трилиони долари, објави „РТ“.

Телевизијата наведува дека не постојат официјални податоци за тоа колкава е точната вредност на севернокорејското рудно богатство, но според груби проценки од почетокот на деценијата, севернокорејските резерви на јаглен, железна руда, цинк, бакар, графит, злато, сребро, магнезит, молибден и многу други метали, вредат меѓу 6 и 10 трилиони долари.

Нејзината почва, исто така, содржи голем број на метали потребни за да се направат паметни телефони и други технолошки производи.

Севернокорејскиот рударски сектор сега е под целосна забрана на Обединетите нации, откако Пјонгјанг го зголеми бројот на нуклеарните проби и покрај силното противење на меѓународната заедница.

Сепак, рударскиот сектор останува клучен за економијата на Северна Кореја и многу експерти веруваат дека токму со рударството земјата ги покрива своите воени трошоци.

Приватното рударство е нелегално во Северна Кореја и околу 14 отсто од нејзината економија се состои од рударски подземни ресурси, пишува весникот „Кварц“.

Кина е претставена со околу 90 проценти од надворешната трговија на Пјонгјанг, и според дел од експертската јавност официјален Пекинг е заинтересиран да има монопол над одредени делови на извозот од Северна Кореја, посебно во делот на скапоценетите камења, објави неодамна „Њујорк пост“.

Би можело да ве интересира

Северна Кореја не сака бесмислени разговори со САД

Ана Ололовска

Еспер: Сеул да преземе поголеми трошоци за американските сили во земјата

Ана Ололовска

Пјонгјанг соопшти дека САД нудат продолжување на преговорите во декември

Европа: Ракетните проби на Северна Кореја влијаат врз регионалната безбедност

Ана Ололовска

САД активно се обидуваат да ја убедат Северна Кореја да се врати на преговорите

Пјонгјанг: Се помали шанси за нормализација на односите со САД