Санкциите против Русија би можеле да предизвикаат колапс на Меѓународната вселенска станица (МВС) и да предизвикаат структура од 500 тони да „падне во море или на копно“, изјави шефот на руската вселенска агенција Роскосмос.
Дмитриј Рогозин, гласен поддржувач на руската инвазија на Украина, повика на укинување на санкциите бидејќи тие може да ја нарушат работата на руските летала кои служат на МВС.
„Државната вселенска корпорација Роскосмос испраќа писмен апел до своите партнери во Меѓународната вселенска станица, американската Национална управа за аеронаутика и вселена (НАСА), Канадската вселенска агенција и Европската вселенска агенција, барајќи укинување на нелегитимните санкции за нашите компании“, порача Рогозин на Телеграм, пренесоа некои руски медиуми.
„Како резултат на тоа, рускиот сегмент на станицата – кој помага да се исправи нејзината орбита – може да биде погоден, што ќе предизвика структура од 500 тони да падне во морето или на копното“, напиша шефот на Роскосмос на Телеграм.
Роскосмос направляет письменные обращения к @NASA , Canadian Space Agency и @esa с требованием снять незаконные санкции с наших предприятий – подрядчиков работ в интересах #МКС pic.twitter.com/0NM2Stuft1
— РОГОЗИН (@Rogozin) March 12, 2022
Објавувајќи мапа на локации каде што може да се урне, тој рече дека е малку веројатно да биде во Русија (на картата е прикажан појас каде може да паднат делови, според Рогозин).
НАСА претходно објави дека се обидува да најде решение за задржување на МВС во орбитата без помош на Русија.
Руската вселенска агенција Роскосмос ја прекина соработката со европските партнери на космодромот Куру во Француска Гвајана кон крајот на февруари, како одговор на санкциите на Европската унија.