Ромпуј: Приклучувањето на балканските земји е приоритет на ЕУ

Од:

Претседателот на Советот на ЕУ Херман ван Ромпуј синоќа во Виена истакна дека зачленувањето на земјите од Балканот е приоритет на Европската унија.

Тој, при доделувањето на наградата „Европска награда Куденхове Калерги“, која му е врачена, рече дека членството на земјите од Западен Балкан во ЕУ значи траен мир на тие простори.

Шефот на австриската дипломатија Михаил Шпинделегар оцени дека мирот е осигуран само внатре во ЕУ, додека во соседството ситуацијата е поинаква.

– Во Босна или на Косово мирот може да биде обезбеден само со помош на војници, нагласи тој. И Шпинделегар се заложи за членство на земјите од Западен Балкан во ЕУ.

Наградата Куденхова Калерги се врачува секои две години, а меѓу претходните добитници се германската канцеларка Ангела Меркел и поранешниот министер за надворешни работи на Австрија Алојз Мок.

Ромпуј, наградата ја доби за своите заложби за Европа како континент на единство и мирот, објасни пронцот Николаус фон Лихтенштајн, потпретседател на друштвото „Куденхове Калерги“.

Наградата го носи името на основачот на паневропското движење, дипломат, филозов и публицист грофот Ричард Николаус фон Кундехове Калерги.

Би можело да ве интересира

Меркел вети дека ќе продолжи поддршката од ЕУ за Турција

Ана Ололовска

Блинкен – Борел: Потребно е да продолжи пристапниот процес со Македонија и Албанија

А1он

Ескобар: Дијалогот Белград – Приштина го води ЕУ со поддршка на САД

А1он

Ескобар: Американската политика кон Западен Балкан со еден збор е евроинтеграција

А1он

Раст на евросекптицизмот во Романија

А1он

Брегу: Да почнеме со процесот на создавање на дигитален идентитет по примерот на ЕУ

А1он

Leave a Comment

eighteen + 16 =