Романија бара поактивна улога на НАТО во реонот на Црното Море

Од:

Романија се залага за поактивна улога на НАТО во реонот на Црното Море, како гаранција за безбедноста на членките на Алијанста од овој регион, изјави денеска романскиот министер за надворешни работи Теодор Малешкану.

dobivaj vesti na viber

– По незаконската анексија на Крим сведоци сме на натрупување на руските сили и оружје, што доведе до промена на рамнотежата на силите. Во Црното Море постоеше рамнотежа на силите меѓу Русија, Турција, Романија, Бугарија и Украина, но тоа сега повеќе не е така, рече Малешкану во обраќањето на 63-та сесија на Парламнетраното собрание на НАТО, што започна вчера во Букурешт.

Малешкану оцени дека руските сили кои сега се распоредени во реонот на Црното Море не пратставуваат закана само за овој регион, тука и за Источна Европа, Медитеранот и за Блискиот Исток.

– Затоа сме загрижени и сакаме поактивна улога на НАТО во гарантирање на безбеднсота на црноморските земји и се надвеме дека тоа и ќе се случи во иднина, додаде шефот на романската дипломатија.

Малешкану истакна и дека Романија би сакала поактивно да се вклучи во гарантирањето на безбедноста на земјите во Црното Море, како дел од структурите на НАТО.

На сесијата на Парламентарното собрание на НАТО, што ќе трае до 9 октомври, учествуваат делегации од повеќе од 50 земји членки на Алијансата, држави партнери и набљудувачи.

Би можело да ве интересира

Столтенберг: Мора да се земе предвид загриженоста на сите сојузници

Ана Ололовска

Ердоган им соопшти на лидерите на Шведска и Финска што очекува од нив

Ана Ололовска

Џонсон го убедувал Ердоган да соработува со Финска и Шведска за членството во НАТО

Ана Ололовска

Трас: Молдавија треба да се опреми по стандардите на НАТО

Ана Ололовска

Ердоган разговараше со холандскиот премиер за НАТО-патот на Шведска и Финска

Ландов

Ердоган не попушта: Повторно „не„ за Шведска и Финска