Економскиот раст на Франција неочекувано се намали во првиот квартал поради слаба потрошувачка наспроти рекордно високата инфлација, покажаа официјалните податоци објавени денеска од властите.
Официјалната статистичка агенција INSEE соопшти дека прелиминарните податоци не покажуваат промена во бруто домашниот производ за периодот јануари-март. Тоа сигнализира нагло забавување од последните три месеци од 2021 година, кога втората по големина економија во еврозоната се зголеми за 0,8 отсто, што беше ревидирана од 0,7 отсто претходно.
И додека се очекуваше забавување во Франција, податоците се полоши од очекувањата за раст од 0,3 отсто.
Трошоците на домаќинствата, традиционалниот двигател на францускиот раст, паднаа за 1,3 отсто во кварталот, бидејќи довербата на потрошувачите ослабна поради загриженоста од зголемените цени на енергијата и војната во Украина, засенувајќи го секој поттик од олеснувањето на ограничувањата за Ковид-19.
Инфлацијата е на рекордно ниво во и неочекувано порасна во април до 5,4 отсто, објави денеска INSEE во посебен извештај.
Извор: МИА