Рекорден број жени во новиот состав на американскиот Конгрес

Од:

Идната година, жените-претставнички во американскиот Конгрес ќе состават повеќе од четвртина од вкупниот број на членови, што е рекорд во американската историја, воден од зголемениот број победи на републиканки на изминатите избори.

Додека на изборите во 2018 година Демократската партија го водеше трендот со рекорден број жени-демократки во Конгресот, годинава тој број е поддржан од народните претставнички од „големата стара пратија“ (ГОП), како што уште е позната Републиканската партија.

Од 22 републиканки колку што се во сегашниот состав, идната година во Сенатот или во Претставничкиот дом ќе има 35 жени,. Деветнесетмина се претставнички кои првпат влегуваат во Конгресот, со голем број победи и одземени места од демократските соперници.

Според Ен-би-си, од јануари 2020 година, Републиканската партија ќе ја има Елис Стефаник од Њујорк, најмладата жена републиканка досега избрана за во Конгресот; ќе ја има Мери Милер, републиканка од Илиниос со 16 внуци; потоа, Ким Јанг од Калифорнија, првата избрана корејско-американска републиканка, два ќерки од семејства на кубански емигранти од Флорида и Стефани Бајс од Оклахома, првата избрана иранско-американска републиканка.

Од друга страна, од следната година ќе има трипати повеќе демокрaтски преставнички во Конгресот, од кои 89 ќе бидат во Претставничкиот дом, а 16 во Сенатот.

Така, претставничкото тело од понежниот пол во Конгресот од 2021 година ќе биде 27 проценти од вкупниот број од 535 членови (сега е 23 проценти), или на секоја една Американка народан избраник ќе има околу четири мажи конгресмени.

Би можело да ве интересира

Русија: Американската тајна служба дозволи блокада на влезот во руската амбасада

Тинејџер подметна пожар, две бебиња изгореа живи со родителите во САД

Двајца загинаа, а петмина се ранети во престрелка во Вашингтон

Познати се жртвите на убиецот од Пенсилванија

Горан Наумовски

Најмалку три лица загинаа денеска во пукотница во Пенсилванија

Горан Наумовски

Најмалку три лица загинаа во торнадо во Охајо во САД