Рекод во Израел, 224 илјади луѓе вакцинирани во еден ден

Од:

Израел вакцинираше 224.000 луѓе против коронавирусот за само еден ден, објави денеска на Твитер министерот за здравство Јули-Јоел Еделштајн, јави ДПА.

Со тоа вкупниот број лица кои ја примиле првата доза на вакцината е 2,4 милиони, а 850.000 лица ги примија двете дози.

Израел ја почна својата кампања за вакцинација на 19 декември и напредува со невидено темпо. Во Германија, на пример, со население деветпати поголемо од еврејската држава, првата доза на вакцина е дадена на 1,3 милиони луѓе, а 78.000 ги добиле двете дози потребни за целосна имунизација.

Израелските власти порано нарачаа доволен број дози на вакцина и склучија договор со производителот „Фајзер“ и во замена за тоа да им обезбедат медицински податоци.

Според експертите, нивниот силен и високо дигитализиран здравствен систем придонесува за успехот на кампањата за вакцинација во земјата.

Израел во моментов доживува трет бран на инфекција и воведе карантин, кој е на сила до крајот на јануари.

Би можело да ве интересира

ЕУ ќе побара поголема транспарентност за вакцините заради борба против дезинформациите

Поради делта варијантата ќе треба да биде вакцинирано 90 проценти од населението

Катерина Павлова-Николовска

МЗ: Вчера се аплицирани 13.232 вакцини

А1он

Во Израел најголем број случаи на Ковид-19 за 24 часа од почетокот на пандемијата

Израелско истражување: Третата доза вакцина дава четири пати поголема заштита од првите две дози

Израел регистрира повеќе од 6.000 новозаразени во еден ден, најмногу од февруари годинава