Најголемата река во Полска, Висла во Варшава го достигна најниското ниво од почетокот на мерењето, кон крајот на 18. век, соопшти полскиот Институт за метеорологија и хидрологија.
Нивото на Висла вчера во главниот град на Полска достигна 61 сантиметар и според Институтот се очекува натамошен пад следните денови.
Нивото на водата на реката Висла се мери од 1799 година, а претходниот рекорд на најниско ниво беше регистриран во 1992 година и изнесуваше 68 сантиметри.
Полицијата им препорача на жителите на Варшава да не се обидуваат да преминуваат преку реката и покрај ниското ниво, бидејќи дното е мошне нерамно.