Размена на заробеници меѓу САД и талибанските власти во Авганистан

Од:

САД и талибанските власти во Авганистан денеска разменија заробеници, при што американски воен ветеран е разменет за авганистански воен лидер осуден во САД на доживотна казна затвор.

dobivaj vesti na viber

Американскиот маринец Марк Фририкс заробен од Талибанците пред две години во Авганистан е разменет за Хаџи Башир Нурзаи, кој по 17 години минати во затворот Гвантанамо на Куба триумфално беше пречекан во Кабул.

Вршителот на должноста шеф на дипломатијата на талибанските власти Амир Хан Мутаки денеска на кабулскиот аеродром во Кабул соопшти дека по долготрајни преговори Фририкс и бил предаден на американската делегација што во замена го донела Нурзаи во Кабул.

Башир Нурзаи, инаку близок соработник на починатиот основач на талибанското движење Мула Омар, се бореше против советската окупација на Авганистан заедно со муџахедините поддржани од САД. Подоцна беше обвинет и осуден од американските власти за меѓународна трговија со хероин, како и за поддршка на талибанскиот режим што управуваше со Авганистан во периодот од 1996 до 2001 година.

Нурзаи пред бројните медиуми на аеродромот во Кабул рече дека неговото ослободување ќе биде извор на мир меѓу Авганистан и Американците.

Извор: МИА

Би можело да ве интересира

Од Русија избегаа во Америка, наместо во ветената земја завршија во притвор

Горан Наумовски

Русија испрати предупредување до САД

Горан Наумовски

САД одговори на обвинувањата од Европската унија: Не ја креваме цената на гасот

Разузнавачките агенции на САД и на Русија разговараат за нуклеарните ризици

А1он

Талибанците заработија милиони од Светското првенство во Катар

Ана Ололовска

Две деца избодени до смрт во Бронкс, осомничена е мајката

Ана Ололовска