Распуштен парламентот во Израел, предвремени избори на 1 ноември

Од:

Израелскиот парламент – Кнесетот беше распуштен по гласањето синоќа, неколку дена подоцна од планираното, отворајќи го патот за нови избори, кои ќе се одржат на 1 ноември.

dobivaj vesti na viber

Владејачката коалиција на премиерот Нафтали Бенет, составена од осум политички партии, остана без мнозинство во Кнесетот откако еден пратеник напушти.

Парламентарните избори, петти по ред во последните три и пол години, ќе се одржат на 1 ноември.

Министерот за надворешни работи Јаир Лапид ќе ја преземе премиерската функција се додека не се формира нова влада, според претходниот коалициски договор со Бенет.

Гласањето за распуштање на Парламентот првично беше закажано за понеделник, но беше одложено бидејќи власта и опозицијата не можеа да се договорат за датум за нови избори.

Поранешниот премиер Бенјамин Нетанјаху, кому му се суди под обвинение за корупција, се надева дека ќе се врати на власт на следните избори.

Според анкетите, неговата десничарска конзервативна партија Ликуд би можела повторно да стане најголемата сила во земјата, но без доволен мандат за формирање влада.

Бенет (50) во меѓувреме најави повлекување од политиката.

Тој изјави дека нема намера да се кандидира на изборите, за што не наведе конкретни причини.

Извор: МИА

Би можело да ве интересира

Лидерот на Исламскиот џихад му се закани на Израел со обновени напади

Ана Ололовска

Примирјето ја издржа ноќта, Палестинците објавија дека има над 40 жртви

Сирени вечерва во Тел Авив и неколку други израелски градови, „Исламски џихад“ не сака примирје и се заканува

Тревога за ракетeн напад во Ерусалим, жителите известуваат за експлозии

Се зголемува бројот на жртвите во Газа – убиен е еден од водачите на Исламскиот џихад

Горан Наумовски

Сирени во Тел Авив за прв пат по последната ескалација на насилството во Појасот Газа

Горан Наумовски