Американската воена морнарица за првпат го распореди најнапредниот носач на авиони „Ју-Ес-Ес Џералд Р. Форд“, да учествуваа на неколку воени маневри заедно со воени бродови на останатите држави-членки на Северноатлантската алијанса.
Носачот на авони со најнапредна технологија исплови од најголемата поморска база во светот „Норфолк“, во американската сојузна држава Вирџинија, во придружба на повеќе разурнувачи и други воени бродови.
„Џералд Форд“ заедно со бродови на воените морнарици на Франција, Германија и на Шведска, ќе учествува на неколку различни воени маневри, вклучително и вежбовни активности за противподморничка војна во Атлантскиот Океан.
Маневрите се одржуваат седум месеци откако Русија ја започна инвазијата на Украина и во време на растечки тензии меѓу Москва и Западот.
„Ју-Ес-Ес Форд“ е првиот носач на авиони од новата класа „Форд“ на американската воена морнарица. Класата е дизајнирана да носи повеќе авиони и да биде оперативна со помалуброен екипаж.
Извор: МИА