„Рајанер“ ги зголеми проценките за превоз на патници во наредните години

Од:

Ирската нискобуџетска авиокомпанија „Рајанер“ денеска ја зголеми својата проценка за бројот на патници во следните пет години, наведувајќи ја побарувачката во Европа и намалениот капацитет во секторот за авионски патници поради пандемијата на Ковид-19.

Најголемиот нискобуџетен авиопревозник во Европа сега очекува да превезува 225 милиони патници годишно до 2026 година, 25 милиони повеќе отколку што беше претходно предвидено.

– Мислам дека зголемената проценка за бројот на патници е само одраз на побарувачката во Европа, на многу места постои јаз меѓу понудата и побарувачката бидејќи другите авиокомпании не успеаја или го намалија капацитетот и ние планираме да влеземе, изјави извршниот директор Мајкл О‘ Лири.

Пред пандемијата, Рајанер превезуваше 149 милиони патници годишно, а сега се очекува да пренесе 100 милиони патници до крајот на март 2022 година, паралелно со закрепнувањето на авиокомпаниите од прекинот предизвикан од пандемијата на Ковид 19.

Би можело да ве интересира

Израел се подготвува за евентуален напад врз иранските нуклеарни постројки

Бенет: Иран вооружен со атомска бомба е егзистенцијален предизвик за Израел

Иран тврди дека пресретнал американски брод, САД негираат

А1он

Амир-Абдолахијан: Доколку Бајден е сериозен за преговори – да ослободи 10 милијарди долари ирански замрзанити средства

Иран го одби пристапот на американските инспектори до нуклеарниот комплекс во Карај

А1он

Силен ураган се приближува кон Иран

Ана Ололовска