Путин разговарал со Меркел и Макрон за Украина, Сирија и Иран

Од:

Рускиот претседател Владимир Путин синоќа телефонски разговарал со германската канцеларка Ангела Меркел и францускиот претседател Емануел Макрон за кризата во Украина, Иран, Сирија, парламентарното собрание на Советот на Европа (ПССЕ), и за Советот за безбедност на ОН.

Путин рекол дека бил збунет со одбивањето на одредени земји на седница на СБ на ОН да се дискутира за украинскиот закон за јазик, договорот од Минск и меѓународната обврска на Киев да ги заштитува јазиците на националните малцинства.

Тој им обрнал внимание дека законот кој неодамна го усвои украинска Влада со кој само украинскиот е службен јазик во земјата е дискриминаторски.

Путин, Меркел и Макрон разговарале и за решавање на ситуацијата со руската делегација која нема право на глас во ПССЕ, при што Путин изразил надеж дека, со оглед на тоа што Франција го презеде претседавањето со таа организација, правата на руската делегација ќе бидат обновени.

Тројцата државници разговарале и за ситуацијата во Сирија, пред се за кршењето на примирјето во Идлиб, а Путин ги информира за заедничките напори на Русија и Турција да ја стабилизираат ситуацијата во северозападниот дел на земјата, да ги заштитат цивилите и да ја неутрализираат заканата од терористите.

Путин, Меркел и Макрон разговарале и за Иран и се сложиле дека треба да останат посветени на трговско-економската соработка со земјата.

Тие се сложиле и дека треба да се зачува нуклеарниот договор оценувајќи дека тој е клучен фактор за зачувување на меѓународната стабилност и безбедност.

Би можело да ве интересира

За три месеци 74 несреќи со електрични тротинети во Берлин

ВИДЕО: Ракета лансирана од руска подморница погоди мета оддалечена 350 километри

Пожар во руски центар за истражување на вирусите

Татјана Ташкова

Руски граничари повредени при напад на севернокорејски рибокрадци

Меркел ја критикуваше најавата за анексија на Јорданската Долина

Кремљ: Се уште не сме добиле одговор од Саудиска Арабија

Ана Ололовска