Рускиот претседател Владимир Путин нареди прекин на огнот во Украина кој ќе трае ден и половина. Тоа е примирје, соопшти денеска Кремљ. Примирјето, кое ќе трае 36 часа, е наредено од Путин со цел да се одбележи Божик, кој православните христијани го слават во сабота, се наведува во соопштението.
Кремљ соопшти дека Путин наредил 36-часовен прекин на огнот на целата линија на фронтот во Украина. Примирјето ќе започне утре напладне по локално време и ќе трае до полноќ на 7. јануари, соопшти Кремљ.
„Имајќи го предвид фактот дека во областа на непријателствата живеат голем број граѓани од православна вероисповед, ја повикуваме украинската страна да прогласи прекин на огнот и да дозволи населението да оди на богослужба на Бадник и Божиќ се вели во изјавата на Путин.
Руските сили мора да го почитуваат 36-часовниот прекин на огнот за да го одбележат православниот Божиќ, се вели во соопштението на Кремљ, кое дојде откако рускиот православен патријарх Кирил претходно денеска повика на Божиќно примирје во Украина.