Рускиот претседател Владимир Путин во Тула се сретна со претставници на одбранбената индустрија од целата земја за да разговараат за проблемите поврзани со снабдувањето со оружје на руската армија, пишува Си-Ен-Ен.
„Најважната, клучна задача за воено-индустриската фабрика е брзото снабдување на војниците на линијата на фронтот со се што им е потребно; оружје, опрема и муниција. Ни треба квантитет и квалитет“, рече Путин на почетокот на состанокот во градот Тула, во кој има голема фабрика за оружје.
„Покрај тоа, важно е, во контекст на најновите борбени искуства, значително да се подобрат карактеристиките на испорачаното оружје. Со нетрпение ги очекувам вашите предлози за решавање на проблемите кои се неизбежни во нашите должности. Предложете како можеме да ги туркаме работите напред и да има помалку проблеми“, додаде тој.
„Клучна задача е да се воспостави линија за повратни информации помеѓу воено-индустрискиот комплекс и воените единици за специјални операции. Вашите експерти одат на првите борбени линии и помагаат брзо да ја поправат оштетената опрема и да ја направат повторно оперативна, да тестираат како работи во борба и да направат модификации на прототипи за подобрување на нивните карактеристики“, рече рускиот претседател.
Има информации дека Русија се бори со недостиг на основна опрема за своите војници. Руските граѓани собираат средства за опремување на војниците распоредени во Украина. Во регионот на Чувашија некои семејства, пишува Телеграм, се задолжиле со купување на воена опрема. А во Тамбов, во централна Русија, осмоодделенците собраа пари за да обезбедат чорапи за војниците.