Путин и Зеленски првпат зборуваа телефонски, во фокусот украинските морнари

Украинскиот претседател Владимир Зеленски и рускиот претседател Владимир Путин за првпат зборуваа на телефон за украинските морнари кои беа уапсени минатиот ноември во Керченскиот Проток.

“Главна тема беше ослободувањето на уапсените морнари, а исто така, разговараа и за ослободување на други Украинци во моментов затворени во Русија”, се наведува во соопштението од кабинетот на Зеленски, информира ТАСС.

Путин и Зеленски разговараа за прашањата поврзани со решавањето на конфликтот на југоистокот на Украина и заедничката работа за враќањето на затворениците од двете страни, изјави портпаролот на Кремљ, Дмитриј Песков.

Песков додаде дека двајца функционери разговарале за можноста за постојан контакт во формат Нормандија. Овој дипломатски формат од 2014 година ги зближува претставниците на Париз, Москва, Киев и Берлин за прашањето на војната во Украина.

Според руските медиуми, рускиот претседател денеска изјави дека никогаш не ги отфрлил предложените формати, вклучувајќи го и можното продолжување на разговорите со претставниците на другите земји.

Ова е, според агенцијата ТАСС, првиот разговор на Путин и Зеленски откако дојде на функцијата претседател на Украина на 30-ти мај.

Претходно во четвртокот Путин рече дека Русија е подготвена за разговори со украинските власти во било кој формат, но дека прво треба да се очекува формирањето на Владата во Киев.

Односите меѓу Украина и Русија се многу напнати од проевропското востание во Украина во зимата 2013-2014 година, што доведе до падот и бегството во Русија на тогашниот украински претседател Виктор Јанукович.

Би можело да ве интересира

Пет украински партии на чекор до парламентот

Ана Ололовска

Најмалку 16 загинати во воздушен напад на руските сили врз Идлиб

Ана Ололовска

Партијата на Зеленски води на предвремените парламентрани избори во Украина

Ана Ололовска

Зеленски смета дека новиот премиер на Украина треба да биде економист без политичко минато

Татјана Ташкова

Иран ја извести Русија кога ќе биде ослободен екипажот на запленетиот танкер

Путин до Асад: Русија ќе продолжи да ја поддржува сириската Влада